Әл-Фараби атындағы Қазақ ұлттық университетінің студенттері Almaty SuperSki жобасын тікелей талқылап, Көк-Жайлаудың болашағы туралы сұрақтарына жауап алу үшін «Kazakh Tourism Development Ltd.» атқарушы директоры Ержан Еркинбаевпен кездесуге өздері бастама көтерді.
Әңгімеге жастардың Көк-Жайлау тақырыбына деген үлкен қызығушылығы себеп болды. Almaty SuperSki жобасы ақпараттық кеңістікте белсенді талқыланып жатқандықтан, студенттер әлеуметтік желілердегі пікірталастан жобаны жүзеге асырып отырған компания өкілімен тікелей сөйлесуге көшуді ұсынды.
Қатысушыларды Көк-Жайлауда жоба аясында нақты не жоспарланып отырғаны, аумақ қалай дамитыны, Алматы тұрғындары мен туристер үшін не өзгеретіні және Көк-Жайлау қаланың тау туризмін дамытудың жалпы тұжырымдамасында қандай орын алатыны қызықтырды.

Ержан Еркинбаев студенттердің шақыруының өзі ерекше маңызды екенін атап өтті.
«Бұл кездесуге бізді студенттердің өздері шақырды. Мен үшін бұл жастардың Көк-Жайлау төңірегінде не болып жатқанына бей-жай қарамайтынының маңызды көрсеткіші. Almaty SuperSki туралы түрлі пікірлер айтылып жүр, ал мәселені түсінудің ең жақсы жолы - тікелей сөйлесу. Біз жоба бойынша әрбір шешімді түсіндіруге, күрделі сұрақтарға жауап беруге және Көк-Жайлаудың болашағын қалай көретініміз туралы ашық айтуға дайынбыз», - деді Ержан Еркинбаев.
Студенттердің сұрақтары тек инфрақұрылымға қатысты болған жоқ. Жастар Almaty SuperSki Көк-Жайлаудың қазіргі табиғи ортасымен қалай үйлесетінін, қала тұрғындары үшін тауға қолжетімділік қандай болып қалатынын және өсіп келе жатқан туристер ағыны қалай ұйымдастырылатынын сұрады.
Әңгіме жобаның таныстырылымымен шектелмеді. Талқылауға Альпинизм және жартасқа өрмелеу федерациясының президенті Нұрсұлтан Шоқанов, биология ғылымдарының кандидаты, ҚазҰУ ботаника және агроэкология кафедрасының меңгерушісі Нұрсұлу Ахтаева, қоғам өкілдері мен студенттер қатысты.
«Бүгін бас қосқанымызға өте қуаныштымын. Бұл біз үшін өте маңызды тақырып - таулардың дамуы. Тауды дамыту туралы айтқанда мен үшін ең маңызды қағидат - қала адамдар үшін дамуы керек. Бұл басты қағидат», - деді Нұрсұлтан Шоқанов.
Экология мәселесі
Талқылау барысында Almaty SuperSki жобасының экологиялық құрамдас бөлігіне ерекше назар аударылды. Нұрсұлу Ахтаеваның айтуынша, жобаны жүзеге асыру Көк-Жайлау экожүйесіне қауіп төндірмейді.

«Ғалымдар зерттеулерді жалғастырып жатыр. Алғашқы зерттеулердің қорытындысы бойынша Almaty SuperSki жобасы Көк-Жайлау экожүйесіне теріс әсер етпейтіні анықталды», - деді Нұрсұлу Ахтаева.
Жастарды жұмысқа орналастыру
Жастарды жұмысқа орналастыру жеке тақырып болды. Студенттер Almaty SuperSki жобасын жүзеге асыру және кейінгі жұмысы кезінде қандай мамандар сұранысқа ие болатынын, сондай-ақ алматылық жоғары оқу орындарының түлектері тау туризмі, сервис, экология, инженерия және жобаға байланысты басқа салаларда мансабын бастай ала ма деп сұрады.
Ержан Еркинбаев Almaty SuperSki тек инфрақұрылымдық жоба емес, тау туризмі төңірегінде жаңа кәсіби орта қалыптастыру мүмкіндігі екенін атап өтті. Оның айтуынша, жоба дамыған сайын түрлі бағыттағы мамандар, соның ішінде алған білімін қолданып, Алматыда мансап құра алатын жас түлектер сұранысқа ие болады.
«Біз үшін Almaty SuperSki жобасының дамуы туристерге ғана емес, алматылықтардың өздеріне де мүмкіндік бергені маңызды. Соның ішінде бүгін университеттерде оқып жүрген жас мамандарға. Жобаға әртүрлі мамандық иелері қажет болады және біз жастардың тәжірибе жинап, дамып, білімін осында, Алматыда қолдана алуына мүдделіміз», - деді Ержан Еркинбаев.
Студенттер не дейді
Студенттердің өздері үшін кездесу жоба туралы ақпаратты бірінші қолдан алу мүмкіндігі болды.
«Бұл кездесуді өзіміз ұсындық, өйткені Көк-Жайлау тақырыбы үнемі талқыланып жүр және көптеген студенттің сұрақтары бар. Біз үшін өзгелердің айтқанын немесе сырттан берілген пікірлерді емес, Көк-Жайлауда шынымен не жоспарланып отырғанын Almaty SuperSki өкілдерінен тікелей сұрау маңызды болды», - деді кездесуге қатысушылардың бірі.
Студенттер сондай-ақ оларды Көк-Жайлаудың қандай болатыны ғана емес, болашақта Almaty SuperSki жобасын дамытуда жастар қандай рөл атқара алатыны да қызықтыратынын айтты. Болашақ түлектер үшін мамандығы бойынша жұмыс табу және Алматы үшін жаңа туристік бағытта даму мүмкіндігі талқылаудың жеке тақырыбына айналды.
Әңгіме барысында студенттер кеңірек мәселені де көтерді: алдағы жылдары Алматы тауларының дамуы қандай болуы керек. Көк-Жайлау көптеген жас алматылық үшін серуендеп, демалатын үйреншікті орын болып қала береді, сондықтан бұл аумақтағы өзгерістер табиғи қызығушылық тудырады.

Кездесуге қатысқан тағы бір жас жастардың сырттай бақылаушы емес, қоғамдық талқылаудың қатысушысы болғысы келетінін атап өтті:
«Біз үшін Көк-Жайлау картадағы абстрактілі аумақ емес. Біз онда барамыз, бұл жерді білеміз, сондықтан Almaty SuperSki жүзеге асқаннан кейін оның қандай болатынын түсінгіміз келеді. Сонымен қатар жобаның болашақта бізге жас мамандар ретінде қандай мүмкіндіктер бере алатынын білу де қызық».
«Kazakh Tourism Development Ltd.» компаниясы Almaty SuperSki жобасын Көк-Жайлаудың болашағына алаңдайтындармен тікелей талқылау үшін студенттермен және басқа да мүдделі топтармен кездесуді жалғастыруға дайын екенін айтты.
ҚазҰУ-дағы кездесу жобаның таныстырылымы емес, жастардың өздері бастаған тікелей әңгіме болды. Студенттер өздерін толғандыратын сұрақтарды, Көк-Жайлаудың болашағынан бастап жас мамандарды жұмысқа орналастыру мүмкіндіктеріне дейін, ортаға салды, ал Almaty SuperSki операторы жобаны одан әрі дамыту жөніндегі ұстанымын таныстырды.
Кездесуді ұйымдастырған студенттер JANA LEP қоғамдық қозғалысының да бастамашылары болды. «Алматыны бірге өзгертеміз» - қатысушылар қозғалыстың негізгі идеясын осылай тұжырымдайды. JANA LEP Алматының болашағына бей-жай қарамайтын жастар мен белсенді қала тұрғындарын біріктіреді.

Анықтама: Kazakh Tourism Development Ltd. - «Астана» халықаралық қаржы орталығында тіркелген жеке компания. Жыл бойы жұмыс істейтін туристік инфрақұрылымды дамытуға бағытталған туризм саласындағы басым жобаларды жүзеге асыру үшін құрылған. Негізгі мақсаты - халықаралық стандарттарға сай келетін және әлеуметтік-экономикалық өсуге ықпал ететін заманауи әрі тұрақты туристік экожүйе қалыптастыру.
Сондай-ақ оқыңыз:
