Бұл туралы ҚР Үкіметінің баспасөз қызметі мәлім етті.
Үкімет еліміздің көлік-логистика әлеуетін арттыруға үлкен көңіл бөледі. Сондықтан Алматыда жаңа халықаралық терминал құрылысы сынды үлкен жобаны жүзеге асыру стартегиялық маңызға ие.
«Оның ашылуы жолаушылар ағынын арттырып, ұшу географиясын кеңейтеді және мегаполис тұрғындары мен қонақтарына сапалы қызмет пен жайлылықтың жоғары деңгейін қамтамасыз етеді деп күтеміз», — деді Әлихан Смайылов.
Жаңа терминал биылғы маусымда ашылады деп жоспарланып отыр. Қолданыстағы терминал тек ішкі рейстерге ғана пайдаланылады. Бүгінде құрылыс жұмыстары 87%-ға аяқталды. Бұл ретте екі терминалдың әлеуеті жылына 14 млн жолаушыға жетеді. Әуе айлағы арқылы жүк тасымалы көлемін 100 мың тоннаға дейін арттыру жоспарланған.
