«Janym Qazaqstan» фильмі көрерменге жол тартты

«Janym Qazaqstan» фильмі көрерменге жол тартты, деп хабарлайды Travelpress.kz.

Бүгін еліміздің туризмі мен табиғаты туралы  алғашқы көркем фильм үлкен экрандарда жарыққа шығады.  «Janym Qazaqstan» - QazaqGeography және QG Production бірлескен жобасы.

Комедия жанрындағы фильм еліміздің көркем табиғаты мен бай мәдени мұрасын дәріптеуге бағытталған. Авторлар Қазақстанды туристің көзімен көрсетіп, көрермендерді әлі де көпшілікке беймәлім бірегей жерлермен танысуға шақырады.  Түсірілім Шарын шатқалы, Бозжыра, Қорғалжын көлі тәрізді  орындарда өтті. 

Фильмдегі түрік қызы Әсие бейнеролик түсіру үшін Қазақстанның қандай көрікті жерлерін аралады? Қандай қиындықтарға тап болды және оған кім қолғабыс етті? Мұның барлығын туынды тамашалау арқылы біле аласыз. 

Еліміздің әсем табиғаты жайлы бірегей туындының көрсетіліміне асығыңыз!