Алматыда 20-дан астам мұз айдыны ашылады, деп хабарлайды Travelpress.kz.
Алматыда спорт саласы белсенді дамып келеді. Алдағы уақытта қалада қысқы демалыс пен белсенді уақыт өткізуге арналған 20-дан астам жаңа мұз айдыны ашылады. Бүгінде Алматыда 3 600-ден астам спорт нысаны бар, қаланың спорттық инфрақұрылымы одан әрі кеңейіп келеді.
2024-2025 жылдары 6 жаңа спорт кешені салынады, сондай-ақ 2 кешен жеке инвестиция есебінен ашылады.
Нұркент шағынауданында жаңа теннис орталығы іске қосылды.
«Тұлпар» кешені ұлттық спорт түрлерін дамыту үшін қаланың коммуналдық меншігіне қайтарылды.
Ерекше қажеттілігі бар адамдарға арналған орталықтың құрылысы жүріп жатыр.
Жоспардағы өзге жобалар:
2027 жылға дейін тағы 6 спорт кешенін салу.
Спорт мектептерін жаңарту және нығайту.
Жаңа футбол стадионын салу.
Халықаралық жарыс өткізуге мүмкіндік беретін көркем гимнастика орталығын құру.
Спортшылар мен жанкүйерлер үшін қолайлы жағдай жасау мақсатында Орталық стадион мен «Медеу» кешенін қайта жаңғырту.
