ТЖМ қар көшкіні қаупі бар кезеңде алдын алу шараларын қабылдауда, деп хабарлайды Travelpress.kz.
Еліміздің таулы аймақтарында қардың жиналуына байланысты жекелеген қар көшкіндері өздігінен түсуі мүмкін. Көшкіндердің жүруіне түрткі болу қаупіне байланысты қар басқан тік беткейлерге шықпаған жөн. Тауда абай болыңыздар.
Халықтың, туристердің, қонақтар мен демалушылардың қауіпсіздігін қамтамасыз ету мақсатында Алматы қаласындағы, Алматы және Шығыс Қазақстан облыстарындағы тауларда қар көшкіндерін мәжбүрлеп түсіру бойынша алдын алу жұмыстары жүргізілді, нәтижесінде 3516 м³ қар массасы түсірілді.
