Алматы Бейжіңдегі халықаралық туристік көрмеде марапатқа ие болды, деп хабарлайды Travelpress.kz.
Алматы стенді Бейжіңде Best Organizing Award марапатын алды. 2025 жылы 27-29 маусым аралығында қала Азия-Тынық мұхиты аймағындағы ең ірі көрмелердің бірі – BITE 2025 көрмесінде өзінің туристік әлеуетін таныстырды.
Стенд қонақтары Алматының мәдени мұрасымен танысты: ұлттық музыка шырқалып, қазақ асханасы ұсынылды, қолданбалы өнердің элементтері мен авторлық зергерлік бұйымдар көрсетілді.
Іс-шара барысында Қытайдан 2025-2026 жылдары 36 мыңнан астам турист тартуға бағытталған 30 келісімге қол қойылды.
Қытай Алматы туризмі үшін негізгі нарықтардың бірі болып қала береді: 2024 жылы қалаға ҚХР-нан 99 167 турист келген, бұл шетелдік қонақтардың жалпы санының 14,4%-ы.
