23.07.2024
00:43:38
ru
kz

Қазақстан мен Франция туризм саласында ынтымақтастықты нығайтуда

Басты жаңалықтар
26.01.2024
11:10
Қазақстан мен Франция туризм саласында ынтымақтастықты нығайтуда
Туризм және спорт министрлігінің қолдауымен франциялық «Accor» қонақ үй тобы және «ALAZAR GROUP» ЖШС арасында бірлескен ынтымақтастық туралы келісімшартқа қол қойылды, деп хабарлайды Travelpress.kz.

Бұл туралы ҚР Туризм жəне спорт министрлігінің ресми Telegram-арнасы жазды. 

Құжатқа қол қою рәсіміне Туризм және спорт министрі Ермек Маржықпаев, Ұлттық экономика бірінші вице-министрі Тимур Жақсылықов, Туризм және спорт министрлігі Туризм индустриясы комитеті төрағасының м.а. Нұртас Кәріпбаев, Павлодар облысы әкімдігінің өкілі, New East Europe өңіріндегі Accor бас директоры Алексис Деларофф және «ALAZAR GROUP» ЖШС және «Orient Finance Group» ЖШС өкілі Руслан Шаекин қатысты.

Мемлекет басшысы инвестициялық әлеуетті арттыру және туризм саласында кәсіпкерлікті дамыту үшін барынша қолайлы жағдайлар жасау жөнінде шаралар кешенін қабылдау қажеттігін үнемі айтып келеді. 2023 жылдың қорытындысы бойынша негізгі капиталға салынған инвестиция көлемі 800 млрд теңгеге жетті. Бұл – алдыңғы жылмен салыстырғанда 1,5 есе көп (2022 жылы 513 млрд теңге), ал орналастыру орындарының саны алғаш рет төрт мыңнан асты.

«Қонақжай индустриясында әр алуан және толықтай интеграцияланған экожүйелері бар Accor қонақ үй желісі орналастыру орындары бойынша жобаларды іске асыруы еліміздегі туризм саласын дамытуға зор үлес қосады деп үміттенемін. Әлемге әйгілі халықаралық компаниямен ынтымақтастық орнату, тәжірибе алмасу жемісті және табысты келісім болады деген сенімдеміз», - деп атап өтті Ермек Маржықпаев.


Accor – әлемнің 110-нан аса елінде сауықтыру орталықтары мен коворкингтер, 5500 қонақ үй, 10 000 мейрамхана мен барларды біріктіретін әлемдегі жетекші қонақ үй тобы. Аталған компания қонақжай индустриядағы әралуан және толықтай интеграцияланған экожүйелер бар.
Есепке қою туралы № KZ200123 БАҚ куәлігі 10.12.2023 жылы берілді.