Астана-Прага әуе рейсі қайта жанданады

Елорда әуежайынан Прагаға қатынайтын рейстер қайта жаңғырады, деп хабарлайды Travelpress.kz.

Бұл туралы Елорда әуежайының баспасөз қызметі мәлім етті. 

2024 жылдың 22 мамырында Астана әуежайынан Прагаға алғашқы рейс жөнелтіледі. Рейстер аптасына 2 рет (сәрсенбі және сенбі күндері) жайлылығы жоғары Boeing-737-де орындалатын болады. 

Аталмыш рейс Астанадан 8:30-да ұшып шығып, Прагаға 10:25-те (жергілікті уақыт) ұшып келеді. Прагадан Астанаға ұшатын рейс 11:15-те ұшып, межелі жерге кешкі 20:10-да қонады. Бұл көптен күткен бағыт Қазақстан тұрғындарына Чехияның әдемі астанасына, сондай-ақ Чехия тұрғындарына әлемдегі ең жас астаналардың бірі - Астана қаласын көруге мүмкіндік береді.

«Scat» авиакомпаниясына әлемдегі ең әдемі қалалардың бірі - Прага қаласын көру мүмкіндігі үшін алғыс білдіреміз.