Air Astana халықаралық рейстерін Алматы әуежайының жаңа терминалына ауыстырды

Air Astana халықаралық рейстерін Алматы әуежайының жаңа терминалына ауыстырды, деп хабарлайды Travelpress.kz.
 
Air Astana 2024 жылдың 12 маусым сағат 18:00-ден бастап Алматыға келетін және Алматыдан ұшатын барлық халықаралық рейстерін әуежайдың жаңа терминалы T2-ден орындайтынын хабарлайды.  

Ұшу алды тексеру кезінде ықтимал кезектерді болдырмау үшін жолаушылардың әуежайға алдын ала келуін сұраймыз.  

Жолаушылар ыңғайлылығы үшін әуекомпанияның еріктілері жаз бойы әуежайдың екі терминалында жолаушыларғы көмек пен қолдау көрсету үшін жұмыс істейді.