Сәуір айында Қазақстанның түрлі өңірлерінде туризмді дамытуға арналған іс-шаралар ұйымдастырылады, ҚР Туризм және спорт министрлігі Туризм индустриясы комитетіне сілтеме жасай отырып, Travelpress.kz хабарлайды.
Көрмелер, фестивальдер, оқыту семинарлары және басқа да мәдени-танымдық бағдарламалар ішкі және келу туризмін ілгерілетуге бағытталған.
Алматы: 23-25 сәуірде Алматыда 23-ші халықаралық KITF-2025 туристік көрмесі өтеді. Бұл шараға қазақстандық және шетелдік туризм саласының жетекші мамандары қатысады.
Шымкент: Қалада қызғалдақтың символикасын насихаттайтын «Қызғалдақ жолы» фестивалі ұйымдастырылады. Бағдарламада театрландырылған қойылымдар, шерулер және жәрмеңкелер жоспарланған.
Түркістан облысы: 15 сәуірде Түркістан қаласындағы этноауылда дәстүрлі неке қию рәсімін жаңғыртатын Neke Tour шарасы өтеді.
Ақмола облысы (Бурабай): Бурабайда туризмді дамытуға арналған бірқатар семинарлар мен тренингтер ұйымдастырылады, олардың ішінде:
• Туризмдегі маркетинг
• Экотуризмді дамыту
• Гастротуризм негіздері
• Агротуризм – өңір дамуының факторы
• Экскурсоводтың негізгі дағдылары
Шығыс Қазақстан облысы: 19-20 сәуір күндері Өскемен қаласындағы «Титан» спорт кешенінде «Шығыс арғымақ» көрмесі өтеді. Бұл шара ат туризмінің үздік тәжірибелерін ұсынуға, ұлттық мәдениетті дәріптеуге және белсенді демалысты дамытуға бағытталған.
Басқада жаңалықтар: Зайсан әуежайының құрылысы басталды
Есепке қою туралы № KZ38VPY00083153 БАҚ куәлігі 04.12.2023 жылы берілді.