Шығыс Қазақстан облысы жергілікті тұрғындар мен қонақтарына белсенді демалыс үшін жаңа мүмкіндіктер ұсына отырып, қысқы туристік маусымды бастады, деп хабарлайды Travelpress.kz.
Маусымның салтанатты ашылуы «Алтай Альпісі» тау шаңғы базасында өтті.
Іс-шара барысында қонақтар үшін музыкалық қойылымдар, конкурстар, сыйлықтар, дәм тату сессиялары, концерттік бағдарлама, интерактивті ойындар ұйымдастырылып, Қазақстан туымен бірге жаппай сырғанау өткізілді.
Шығыс Қазақстан облысының әкімі Нұрымбет Сақтағанов қысқы туризмді және облыстың инфрақұрылымын дамыту негізгі басымдықтардың бірі екенін атап өтті. ШҚО қысқы туризмді дамытуға мүмкіндік беретін ерекше табиғи жағдайларға ие, соның ішінде тау шаңғысы бағыттары да бар. Алтай тауларының баурайларында фристайл және могул спортынан танымал спортшылар даярланады. Заманауи тау шаңғысы трассалары елдің барлық өңірінен туристерді тартады.
Тау шаңғысынан бөлек, туристерді Сібе көлдерінің табиғи мұзында коньки тебу, Риддер мен Алтайдағы қаркөлігі маршруттары, сондай-ақ Самар, Үлкен-Нарын және Күршім аудандарында қысқы балық аулау қызықтырады.
Болашақта Глубокое ауданы, Риддер және Алтайдағы тау шаңғы трассаларын кеңейту, Катонқарағай және Марқакөл аудандарында туристік нысандар салу, сондай-ақ Зайсан мен Катонқарағай аудандарында әуежай ашу жоспарланған.
Шығыс Қазақстан облысы қазірдің өзінде туристерді қабылдауға дайын және белсенді әрі қызықты қысқы демалыс үшін қолайлы жағдайлар ұсынады.
