QAZAQ AIR әуе компаниясы қосымша рейстерді іске қосады

Тағы бір отандық әуе компания Наурыз айында қосымша рейстерді іске қосады, деп хабарлайды Travelpress.kz. 

Наурыздағы мерекелерге орай QAZAQ AIR әуе компаниясы қосымша рейстерді іске қосады. Аталған шара жолаушылар тарапынан жоғары сұранысты қанағаттандыруға мүмкіндік береді. 2025 жылғы 16-23 наурыз аралығында келесі бағыттар бойынша 10 қосымша рейс орындалады:

• Астана — Шымкент: 4 қосымша рейс

• Астана — Алматы: 2 қосымша рейс

• Астана — Түркістан: 4 қосымша рейс

Естеріңізге сала кетейік, QAZAQ AIR әуе компаниясы 2025 жылдың 1 мамырынан бастап Астана-Самарқанд бағытында қатынай бастайды. Бұған дейін қазақстандық әуе компаниялар наурыздағы мерекелерге орай қосымша 120 рейсті іске қосатыны туралы хабарладық (Air Astana – 55, FlyArystan – 33, Scat – 32).

Сонымен қатар 8 наурыз – Халықаралық әйелдер күніне орай Scat әуе компаниясы барлық тұрақты рейстердің әуебилеттеріне 10% жеңілдік береді. Әуе компанияның ақпаратына сәйкес бұл акция 5 наурыздан 7 наурызға дейін созылады.