Құтқарушылары туристке көмек көрсетті

ТЖМ құтқарушылары туристке көмек көрсетті, деп хабарлайды Travelpress.kz.

Алматы қаласының Наурызбай ауданында Тастыбұлақ шағын ауданынан жоғары тауға шыққан ер адам қалың тұман салдарынан бағдарынан айырылып, өз бетінше түсе алмады. Сондай-ақ, құтқарушылардың көмегіне жүгінген кезде ол белгісіз бір жануарлардың дыбысын естігенін және өзінің қауіпсіздігіне алаңдайтынын хабарлады.

Тәуліктің қараңғы уақытына, тік беткейге, қалың бұталар мен жаңбырдан кейін тайғақ болған соқпаққа қарамастан, кинологиялық есептобы бар Республикалық жедел-құтқару жасағының жедел тобы геолокация бойынша ағашта мініп алған туристті тауып алып, оны қауіпсіз жерге алып барды. Жігіт медициналық көмекке мұқтаж болған жоқ.

Алматы тауларында қар барысы, Тянь-Шань қоңыр аюы, тас суыр және түркістан сілеусіні кездеседі.