Қазақстан мен Еуропалық Одақ арасындағы қатынастарды нығайту мақсатында, визалық режимді жеңілдету қажеттігі туралы пікірталастар жалғасуда, деп хабарлайды TravelPress.kz ulysmedia.kz-ке сілтеме жасап.
Еуропалық Одақтың Қазақстандағы елшісі бұл мәселені көтеріп, визалық талаптарды жеңілдетудің екіжақты ынтымақтастықты күшейтуге септігін тигізетініне назар аударды.
Еуроодақ елшісінің айтуынша, қазіргі таңда Қазақстан азаматтары үшін Шенген визасын алу процесі біршама қиын. Сондықтан, визалық тәртіпті жеңілдету – екіжақты байланыстарды дамыту үшін маңызды қадам болуы керек.
“Біз қазақстандықтарға Еуропаға баруды оңай етуіміз керек. Сол сияқты еуропалықтардың Қазақстанға келіп-кетуі де жеңілдеу керек” – деп атап өтті Алешка Симкич.
Еуропалық елдер мен Қазақстан арасындағы өзара байланыстарды арттыру үшін визалық процестерді жеңілдету жоспары бірнеше кезеңде жүзеге асырылатын болады. Бұл қадамдар туризм, білім беру және сауда салаларында жаңа мүмкіндіктер ашуға ықпал етеді.
