Қазақстан итальяндық ірі туристік холдингінің каталогына енді

Қазақстан Alpitour итальяндық ірі туристік холдингінің каталогына енді, деп хабарлайды Travelpress.kz.

Осы туралы “Kazakh Tourism” ҰК” АҚ баспасөз қызметі мәлім етті.

Бұл Қазақстанның мәдени және табиғи әралуандылығын халықаралық деңгейде көрсетудегі маңызды қадам. Бұған «Kazakh Tourism» ҰК» АҚ, Alpitour, Neos және ACIK қауымдастығы белсенді түрде қатысты.

Қазақстанның Alpitour каталогына енуі еліміздің мәдениет пен шытырман оқиғалы әуесқойлар үшін туристік бағыт ретінде өсіп келе жатқан танымалдылығын көрсетеді.

Alpitour тобына Италияның жетекші туроператорларының кең тараған желісі (2500-ден астам туристік агенттіктер), Voi Hotels қонақ үйлер желісі және Neos авиакомпаниясы кіреді.

Аталған топтың жылдық айналымы 2 миллиард еуродан асады. Alpitour Group құрылымында туроператорлық қызмет маңызды рөл атқарады. 2019 жылы, пандемияға дейін 2,4 млрд еуроға жуық жалпы айналымның 58%, авиациялық қызметтер – 20%, келу туризмі – 18%, қонақ үй менеджменті – 5% болды.