Франциялық M6 телеарнасындағы танымал "Pekin Express" тревел-жобасының жаңа маусымы толығымен Қазақстанда түсіріліп, біздің елімізге арналды, деп хабарлайды Travelpress.kz.
Жақында жарық көрген бағдарламаның шығарылымында шетелдіктерге Астана таныстырылды.
Шоудың 21 жылдық тарихында түсірілім алғаш рет қыста өтті. Қазақстан — жобаның бүкіл тарихында толық маусым бір елдің аумағында түсірілген үшінші мемлекет.
Бұл маусым көрермендер тарапынан жоғары қызығушылыққа ие болады деп күтілуде. Болжам бойынша, Франция, Бельгия, Монако және Швейцарияда көрермендер саны 7 миллионға дейін жетуі мүмкін.
