Air Astana 2025 жылдың алғашқы алты айындағы қызметінің қорытындыларын жариялады, деп хабарлайды Travelpress.kz.
Негізгі көрсеткіштер мен жетістіктер қатарында:
Жалпы табыс пен өзге де кірістер 12,1%-ға артып, 658,2 млн АҚШ долларын құрады. EBITDAR көрсеткіші 24,1%-ға өсіп, 157,0 млн АҚШ долларына жетті.
Таза пайда 131,9%-ға артып, 10,7 млн АҚШ долларын құрады. Тасымалданған жолаушылар саны 11,6%-ға өсіп, 4,5 млн адамға жетті. Орташа жүктеме коэффициенті 81,7% деңгейінде тұрақты сақталды.
2025 жылдың алғашқы жартыжылдығында халықаралық бағыттарда, әсіресе қарқынды дамып келе жатқан Азия нарықтарына басымдық бере отырып, 25,2% өсім тіркелді.
Топтың әуе флоты алты жаңа A320 ұшағымен толықтырылып, 61 әуе кемесіне жетті.
Соңғы Embraer E2 ұшағын пайдалануынан шығарып, 2003 жылдан бергі ең қарапайым әрі тиімді флот құрылымына – Airbus пен Boeing әуе кемелерінен тұратын құрамға көшті.
Алты A321LR әуе кемесін жаңғырту жұмыстарын аяқтап, олардың ұшу қашықтығын арттырды және алыс магистральді бағыттардағы тиімділігін күшейтті. Бұл өзгерістер 2026 жылдың көктемінен жоспарланып отырған Алматы–Токио рейсін және басқа да бағыттардағы ұшуларды жақсартуға мүмкіндік береді.
Boeing AOSS бағдарламасының алғашқы кезеңін сәтті аяқтап, Boeing 787 әуе кемелерін қауіпсіз және нормативтік талаптарға сай пайдалануға қажетті негіз қалады. Астанадағы ұшуға даярлық орталығын кеңейтуді жалғастыруда: 2025 жылдың соңына дейін екінші A320 жаттықтырғышын іске қосу жоспарланған. Бұл ішкі тиімділікті арттырып, сыртқы тапсырыстар бойынша оқыту мүмкіндіктерін кеңейтеді.
Air Astana әуе қауіпсіздігі бойынша IATA аудитінен оныншы рет сәтті өтті. Бұл жолы аудит алғаш рет RB-IOSA деп аталатын тәуекелге бағытталған жаңа әдістеме бойынша жүргізілді. Компания өзінің жоғары халықаралық қауіпсіздік стандарттарына сәйкестігін тағы бір мәрте дәлелдеді.
Баспасөз хабарламасының толық мәтіні www.ir.airastana.com сайтында.
Бүгін, 2025 жылғы 6 тамызда, сағат 14:00-де 2025 жылдың екінші тоқсаны мен бірінші жартыжылдығының нәтижелеріне арналған веб-трансляция өтеді. Қосылу үшін сілтеме:
https://sparklive.lseg.com/AIRASTANAJOINTSTOCKCOMPANY/events/956ec236-1935-49b1-89e3-cf88f745ac33/h1
