Алматы тауларындағы Букреев шыңында ішінде екі кәмелетке толмаған қыз бала бар 6 турист, күн батқан кезде қатты жаңбыр мен қар себебінен қиын жағдайға тап болды, деп хабарлайды Travelpress.kz.
Түсуге көмекті қажетсінген топ көмекке жүгінді.
Ауа-райының нашарлауы және өтініш берушілердің нақты геолокациялық деректері болмаған жағдайда, барлық қажетті жарақтармен қамтамасыз етілген құтқарушылар шақыртуға шықты. Туристерге бару және қайту үшін шамамен бес сағат қажет болған еді.
Нашар көріну мен күрделі таулы аймаққа қарамастан, бүкіл команда үшін нағыз сынақ болған операция сәтті аяқталды. Құтқарушылардың мінсіз дайындығының арқасында түнгі сағат 2-де туристер тобы ата-аналары күтіп тұрған "Елік-сай" турбазасының соңғы аялдамасына аман-есен жеткізілді. Медициналық көмек қажет болған жоқ.
