Фото: Jakub Porzycki / NurPhoto / Shutterstock
Каталония аймақтық парламенті Барселонадағы туристік алымды екі есеге арттыру туралы заңды мақұлдады. Енді қалада бір түн үшін алынатын ең жоғары төлем 6,25 еуроның орнына 12,5 еуроны құрайды, деп хабарлайды Reuters. Бұл шешім туристер санын азайту және қолжетімді тұрғын үй қорын қаржыландыру мақсатында қабылданды, деп хабарлайды TravillPress, vlast.kz сілтемесімен.
Сәуір айынан бастап қонақүйлерде түнеу құны қонақүй санатына қарай бір түнге 10–15 еуро аралығында болады (бұған дейін 5–7,5 еуро еді). Барселонадағы қонақүйлердің жартысына жуығын құрайтын төрт жұлдызды қонақүйлерде екі адамға арналған екі түндік демалыс енді 45,60 еуроға қымбатқа түсуі мүмкін. Себебі жергілікті билік бір адамнан бір түнге дейін 11,4 еуроға дейін алым алуға құқылы.
Бес жұлдызды қонақүйлердің қонақтарынан бір түнге 15 еуроға дейін төлем алынуы ықтимал. Ал круиздік лайнер жолаушылары бұрынғыдай шамамен 6 еуро төлейді.
Жиналған қаражаттың төрттен бірі қаладағы тұрғын үй дағдарысын шешуге бағытталады.
Салық көтерілгенге дейін Барселона Holidu демалысқа арналған тұрғын үйді жалға беру платформасының 2025 жылғы рейтингінде 11-орында тұрған. Еуропадағы ең жоғары туристік алым Амстердам қаласында тіркелген — мұнда туристер күніне 18,45 еуро төлеген.
Жыл сайын Барселонаға шамамен 15,8 миллион турист келеді.