Туристерге неліктен Алматыда тұру қолайлы?

Туристерге неліктен Алматыда тұру қолайлы, деп хабарлайды Travelpress.kz.

Алматыда туристерге өмір сүру әлдеқайда жайлы бола бастады. 2024 жылы қаңтар-қараша аралығында туристердің қанағаттану индексі 67-ге жетіп, 2023 жылмен салыстырғанда 2,7%-ға өсті. 

Mastercard дерегінше, қала қонақтары қауіпсіздік деңгейін және қызмет көрсету сапасын ерекше атап өтті. Айта кетейік, 2024 жылы шаһар инфрақұрылымын жақсартуға және мамандарды даярлауға ерекше назар аударылды. 

400 көлік торабының қызметкері мен туристермен жұмыс істейтін мамандар ағылшын тілін меңгерді, 200 гид біліктілігін арттырды 

Қараша айында туристік саладағы 420 қызметкерге халықаралық сарапшылар командада жұмыс істеу бойынша тренингтер өткізді. Қыркүйек-қазан айында РОСО құтқарушыларына арналған курстар ұйымдастырылды, бұл туристік бағыттағы қауіпсіздікті арттырды.