Олар цифрлық тізілімге тіркеліп, кәсіби дағдыларын сәтті растады.
Бейджерді табыстау рәсімі Дүниежүзілік туризм күніне арналған Kazakhstan Travel Forum бірінші салалық форумы аясында өтті. «Kazakh Tourism» ҰК» АҚ Басқарма төрағасы Қайрат Сәдуақасов қазақстандық гидтерді құттықтап, жұмыстың маңыздылығына назар аударды.
«Гидтер - туристік индустрияның маңызды бөлігі. Сіздер елімізді туристерге таныстырасыздар және оның негізінде саяхатшыларда әсер қалыптасады. Сондықтан бұл тұрғыда кәсіби шеберлік өте маңызды рөл атқарады», - деді Қайрат Сәдуақасов.
Бүгінгі таңда 50-ден астам гид кәсіби білім бойынша тестілеуден сәтті өтіп, атаулы бейдждерге иеленді. Оларға елдің бірқатар негізгі туристік нысандарына жеңілдікпен немесе тегін кіру мүмкіндігі ұсынылған. Бұл өз кезегінде гидтерге жұмыс процесін жеңілдетуге және қызмет көрсету сапасын жақсартуға мүмкіндік береді.
Айта кету керек, бейдждер гидтерге 2023 жылдан бастап беріледі. Оны алу үшін сандық тізілімде (https://guides.kazakhstan.travel/) тіркеліп, қажетті құжаттарды ұсыну және тестілеуден өту керек.