Алматы халықаралық әуежайының басшысы ауысты

Алматы халықаралық әуежайы 2021 жылдың маусымынан қызмет еткен Альп Эр Тунга Эрсойдың 2024 жылдың 16 маусымынан бастап Алматы әуежайының президенті лауазымынан кетеді, деп хабарлайды Travelpress.kz.

ХАӘ-ның жаңа президенті болып Гокер Косе тағайындалды.

Г. Косе операциялық басқару, жоспарлау, инвестициялау, қаржы менеджменті және әуежай қызметінің тиімділігін арттыру саласында 20 жылға жуық тәжірибеге ие.

Г. Косе TAV Airports холдингіне 2005 жылы қосылды. Азаматтық авиация мен әуежайларды басқару және менеджмент саласында тағылымдамадан өтті. Жаңа Анкара Эсенбога әуежайының пайдалану дайындығы бағдарламасын (Operational Readiness and Airport Transfer, ORAT) енгізу процестеріне қатысты.

2006 жылы Г. Косе TAV Airports холдингінің қаржы және стратегия басқармасына шақырылып, онда 10 жылдан астам уақыт көптеген жобалармен жұмыс істеді. Әуежайлар жобаларының техникалық және экологиялық сараптамасына, сондай-ақ оларды қаржылық және коммерциялық жоспарлауға белсенді қатысты. Г. Косе сондай-ақ қысқа мерзімді және ұзақ мерзімді бюджеттік жоспарлау мен қаржыландыруды тартуды қоса алғанда, әуежайлардағы инвестициялық жобаларға жетекшілік етті.

2017 жылы Г. Косе Groupe ADP-ның инвестициялар және қаржылық жоспарлау жөніндегі директоры лауазымына кірісіп, онда Париждегі Шарль де Голь және Орли әуежайларының инвестициялық жобаларын басқарды. Сондай-ақ, Groupe ADP үнді бөлімшесі GMR Airports бизнесін дамыту мәселелерімен айналысқан.

Гокер Косе Таяу Шығыс техникалық университетін бітірген, сондай-ақ онда Стамбулдағы Босфор университетінің MBA дәрежесі бар.