Шымкент әуежайы күндізгі уақытта жұмыс істемейді

2024 жылғы 1 сәуір мен 3 мамыр аралығында Шымкент әуежайы 10:30-дан 18:30-ға дейін жұмыс істемейді, деп хабарлайды Travelpress.kz.


Бұл уақытта ұшу-қону жолағында жөндеу жұмыстары өткізіледі.


Рейстерді орындау кестесіне өзгерістер енгізілуіне байланысты жолаушыларға әуе компаниялардың анықтамалық қызметтерінде, қосымшалары мен қызметтерінде рейстің мәртебесін нақтылау ұсынылады.


Сондай-ақ әуежайға барар жолда жол жұмыстары жүргізілуде. Жол жамылғысын жөндеу жұмыстарына байланысты жолаушылар әуежайға алдын-ала келіп, кептеліске түспеу үшін көліктерін жаңа терминалдың тұрағында қалдырғаны жөн.