20–31 наурыз аралығында платформа Kazakh Tourism және Астана мен Алматы қалалары әкімдіктерінің қолдауымен ел тұрғындарын ең сүйікті мерекелердің бірі – Наурыз төңірегіне біріктіреді, деп хабарлайды Travelpress.kz.
Негізгі назар — музыка, мәдениет және тікелей эфирдегі шынайы байланыста.
Танымал тиктокерлер @suhrab_k, @bekarti және @shony_ansar Астана мен Алматыдағы іс-шаралардан тікелей эфир жүргізіп, мерекенің атмосферасын сол сәтте бөліседі.
Қонақтарды концерттер, ұлттық ойындар, дәстүрлі тағамдар және қазақстандық әртістердің LIVE-өнер көрсетілімдері күтеді.
«Біз TikTok-тағы Наурыз онлайн-фестивалін қолдауды жалғастырамыз. Бұл жоба ұлттық дәстүрлер мен мәдениетті дәріптейтін маңызды digital алаң ретінде өзін дәлелдеді», — деп атап өтті Kazakh Tourism басқарма төрағасы Талғат Ғазизов.
