Қазақстандық «Ката» автомототуризм қауымдастығы мен drive FORUM халықаралық ашық демалыс және саяхат форумының ұйымдастырушысы біздің елімізді және өз жобаларын жыл сайынғы «Поехали-2024»ірі көрмесінде таныстырды.
Іс-шараға қатысушыларға Мәскеу қаласында туристерге арналған «Көлікпен Қазақстан» жадынамасы ұсынылды. Саяхатшыларға арналған практикалық нұсқаулық бүкіл ел бойынша саяхаттың әртүрлі аспектілерін қамтитын 7 бөлімді қамтиды. Онда жол ережелері, ұлттық саябақтар мен қорықтарға бару талаптары, сондай-ақ шекара маңында саяхаттау кезінде қажет құжаттар туралы ақпарат бар. Сондай-ақ, жадынамада туристерге ұлттық тағамдарды таңдау бойынша кеңестер берілген.
Жадынаманы әзірлеу бес айға созылды. Құрастырушылар Қазақстандағы саяхат пен автотуристердің саяхатын қамтамасыз етудің барлық маңызды аспектілерін ескеруге тырысты.
«Жадынамада туристерге жолдарды білуге және қызықты табиғи нысандарға баруға ғана емес, төтенше жағдайлар кезінде көмектесетін маңызды ақпарат бар. Барлық саяхатшылар бізде қандай жол ережелері, жылдамдық режимдері, айыппұл не үшін төленетінін немесе оны қалай төлеу керектігін білмейді. Біз Қазақстаннан қандай заттарды әкетуге тыйым салынғанын көрсеттік. Нұсқаулықты әзірлеуге Kazakh Tourism, Qazaq expedition club, nonad 4x4, Nonad 105 көмектесті», - деп атап өтті Drive FORUM халықаралық ашық демалыс және саяхат форумының ұйымдастырушысы Абдуали Абдугали.
