Kazakh Tourism «Үздік туристік ауыл – 2026» ұлттық байқауын жариялайды, деп хабарлайды Travelpress.kz.
Kazakh Tourism «Үздік туристік ауыл – 2026» байқауына қатысуға өтінімдер қабылдайды.
Жоба тұрақты туризмді дамытуға, мәдени мұра мен дәстүрлерді сақтауға және Қазақстандағы ауылдық жерлердің экономикалық өсуіне жәрдемдесуге бағытталған.
Байқауға қатысуға өтінімдер 2026 жылдың 10 сәуіріне дейін қабылданады. Оған облыс әкімдіктері өңірдегі үш ауылды ұсына алады.
Байқауға қатысушыларды туризм саласындағы сарапшылардан тұратын тәуелсіз кеңес бағалайды.
2025 жылы үздік туристік ауылдар қатарына Лепсі (Жетісу облысы), Нағи Ілиясов (Қызылорда облысы), Хан Ордасы (БҚО), Поперечное (ШҚО), Шабанбай би (Қарағанды облысы) ауылдары кірді.
