ENACTUS WORLD CUP Қазақстанда тұңғыш рет өтуде

ENACTUS WORLD CUP Қазақстанда тұңғыш рет өтуде, деп хабарлайды Travelpress.kz.

Астана 31 астам елден келген 2 мыңға жуық шетелдік кәсіпкерді және стартап жобалары бар студенттерді тоғыстырды. Kazakh Tourism студенттік кәсіпкерліктің әлемдік кубогын елімізде ұйымдастыруға және өткізуге қолдау көрсетті. 

Үш күндік ауқымды іс-шара бүгін басталды. Бизнес-форум аясында кәсіпкерлер саланы дамытудың негізгі трендтерін талқылады. "Kazakh Tourism "ҰК" АҚ Басқарма төрағасы Қайрат Сәдуақасов шетелдік қонақтарға Қазақстан туризмінің әлеуеті мен инвестициялық мүмкіндіктерін таныстырды. Кәсіпкерлер еліміздің танымал туристік бағыттарына қызығушылық танытты.

ENACTUS WORLD CUP қатысушылары жәрмеңке барысында өздерінің ұлттық дәстүрлері мен мәдениетін паш етті. Ертең әлемнің түкпір-түкпірінен келген студенттер өздерінің бизнес-жобаларын таныстырады. 

2019 жылдан бастап Kazakh Tourism MICE-туризмді дамытуға көп көңіл бөледі. Бұл іскерлік іс-шараларды ұйымдастыруға және өткізуге бағытталған. Оның нәтижесінде шетелдік инвесторларды тартуға ғана емес, жаңа жұмыс орындарын құруға мүмкіндік беріледі.