"Бурабай" паркі аумағында туристік инфрақұрылымды дамытуға бағытталған ауқымды жоба аяқталды, деп хабарлайды Travelpress.kz.
Оның аясында табиғи тепе-теңдікті сақтай отырып, демалушыларға жайлы әрі қауіпсіз жағдай жасауға бағытталған.
Саябақ аумағында табиғи ландшафтқа үйлесімді 7 шолу алаңы ашылды. Мұнда саяхатшылар тау мен көлдердің әсем көрінісін тамашалай алады.
Жобаның басты мақсаты – демалудың экологиялық тәсілін қамтамасыз ету. Қазіргі заманғы баспалдақтар, алаңдар мен демалыс аймақтары өсімдіктердің тапталуы мен топырақтың тозуының алдын алады.
Әрбір шолу алаңының өзіндік ерекшелігі мен көрініс бұрышы бар:
«Аютас» жартасы – «Құмай тазы» мүсіні, баспалдақтар, ақпараттық тақталар және пейзажды тамашалауға арналған түтігі бар шолу алаңы «Кебістас» (Туфелька) жартасы – орындықтары мен от жағуға арналған алаңы бар, орман мен көл жағалауының ерекше көрінісін ашатын орын «Бөлектау» тауы – бүркіт бейнесіндегі арт-нысаны бар орталық алаң, мұнда баспалдақтар, әткеншектер және шолу түтіктері орнатылған «Махаббат алаңы» – жұмсақ ландшафтық дизайнымен ерекшеленетін, фотосессияларға арналған романтикалық орын «Мойнақ жартасы» – белсенді демалыс аймағы. Мұнда арқан паркі мен демалуға арналған орындықтар бар «Максимка» жартасы – үш көпірмен жалғасқан шолу алаңы, мүсіндер мен пикникке арналған аймақтар бар «Иманай бұлағы» – баспалдақтар, орындықтар және табиғатты шолуға арналған телескоп орнатылған шағын алаң.
Атап өткен жөн, 2025–2029 жылдарға арналған «Бурабай» курортты өңірін дамыту жөніндегі кешенді жоспар өңірдің туристік, көлік және инженерлік инфрақұрылымын дамытуға бағытталған.
