Әйгілі CNN телеарнасы Дүниежүзілік көшпенділер ойындары жайлы арнайы сюжет түсірді

Әлемге әйгілі CNN телеарнасы Астанадағы Дүниежүзілік көшпенділер ойындары жайлы сюжет түсірді, деп хабарлайды Travelpress.kz.

Бір аптаға жуық әлем назары Астанаға ауды. Елордада елімізді дүбірге бөлеген 5-ші Дүниежүзілік көшпенділер ойындары өтті. Бұл ауқымды спорттық іс-шара көптеген елдің өкілдерін жинап, көшпелі халықтардың бай мәдени мұрасын және ерекше дәстүрін көрсетті.

Еліміздегі көшпенділер бәсекесі халықаралық БАҚ-тың да назарынан тыс қалған жоқ. Әйгілі CNN телеарнасы жаңалықтарға арнайы сюжет жасап, ойындардың мәдени диалог пен этноспортты насихаттаудағы маңызын атап өтті.