Астанада 15 қаңтардан бастап, 15 ақпанға дейін Есіл өзенінің жағалауында «Таза Қазақстан» акциясы аясында QAR FEST аққалалар байқауы өтеді, деп хабарлады Travelpress.kz.
Бұл туралы елорда әкімдігінің ресми сайты мәлім етті.
Қатысу шарттары мынандай: «Таза Қазақстан» экологиялық акциясының тақырыбына сәйкес келетін ерекше аққала жасаңыз.
Өз жұмысыңызды суретке түсіріңіз. Суретті 15 ақпанға дейін Instagram парақшаңызға жариялап, #ТазаҚазақстан және #QarFestSaryarqa хэштегтерін қосыңыз. Сондай-ақ @saryarqa.audany парақшасын белгілеуді ұмытпаңыз.
Аққалаларды Есіл өзенінің жағалауында, мұз айдынының жанында жасауға болады. Ең үздік жұмыстардың авторлары дипломдармен және естелік сыйлықтармен марапатталады. QAR FEST – шығармашылық қабілеттеріңізді көрсетудің, экологиялық бастамаларды қолдаудың және елордаға ерекше қысқы көңіл күй сыйлаудың тамаша мүмкіндігі.
Есепке қою туралы № KZ38VPY00083153 БАҚ куәлігі 04.12.2023 жылы берілді.
