Қазақстанның туристік цифрлық шешімдеріне Azerbaijan Tourism Board қызығушылық білдірді, деп хабарлайды Travelpress.kz.
Kazakh Tourism және Azerbaijan Tourism Board үздік тәжірибелерді бейімдеуге және екіжақты ынтымақтастықты нығайтуды жоспарлап отыр. Бакудегі жұмыс кездесуі барысында тараптар туристік саланы реттеудің негізгі аспектілерін талқылап, қонақ үйлерді жіктеу, гидтерді сертификаттау, цифрландыру және институционалдық өзара іс-әрекет мәселелерін кеңінен талқылады.
Әзірбайжан тарапы Қазақстанның туристік есеп жүргізуді цифрландырудың тәжірибесіне қызығушылық білдірді. Оның ішінде еQonaq ақпараттық жүйесі бар. Бұл бағдарлама кіру туризмі бойынша тиісті деректерді қалыптастыруға мүмкіндік береді және мемлекеттік органдар арасындағы деректердің түпкілікті интеграциясын қамтамасыз етеді.
Қазақстан тарапына Әзірбайжандағы қонақ үйлерді жіктеудің моделіне басты назар аударды. Бұл жүйеде бағалау функциялары кәсібилік пен объективтіліктің жоғары дәрежесін қамтамасыз ететін аккредиттелген ұйымдарға беріледі. Стандарттау министрлігінің рұқсаты негізінде Azerbaijan Tourism Board жіктеуді жүргізу өкілеттігіне ие. Ал рәсімдердің өзі қонақ үй саласындағы бейінді қауымдастықтың қатысуымен жүзеге асырылады.
Әзірбайжан Hotelstars Union мүшесі болғандықтан, елдегі орналастыру нысандарын жіктеу міндетті қайта сертификаттаумен үш жылға беріледі.
Кездесу барысында тараптар кәсіби тәжірибе алмасуға және бірлескен бастамаларға негіз болатын туризм саласындағы ынтымақтастықтың өзекті мәселелерін талқылады.