Алматыда халықаралық цирк фестивалі өтіп жатыр

Алматыда ALMATY CIRCUS FESTIVAL атты халықаралық фестивалі өтіп жатыр, деп хабарлайды Travelpress.kz.

Алматыда ALMATY CIRCUS FESTIVAL II Халықаралық цирк өнері фестивалі басталды. Цирк манежінде Қытай, Жапония, Қазақстан, Аргентина, Бразилия, Португалия, Испания, Италия, Ресей, Вьетнам, Беларусь, Өзбекстан, Украина, Армения, Тәжікстан, Якутия, Қырғызстан және Эфиопия сияқты әлемнің 18 елінен 80-нен астам үздік әртістер өнер көрсетуде.

Сонымен қатар, фестиваль басталған күні Қазақ мемлекеттік циркінің ұжымы 54 жылдығын атап өтуде. Өткен жылы, араға 35 жыл салып, цирк артистері Алматы қаласы әкімдігінің қолдауымен шетелге гастрольдік сапарларын қайта бастады, Қытай мен Ресейдің үздік цирк мектептерінде біліктілігін арттырып, оқудан өтті, елден тыс жерлерде беделді конкурстар мен фестивальдарда марапаттарға ие болды.