Air Astana Германияға жаңа бағыт ашты

Air Astana Германияға жаңа маршрут қосты, деп хабарлайды Travelpress.kz. 

Air Astana жаңа тікелей Алматы–Франкфурт рейсіне билеттер сатылымының басталғанын қуанышпен хабарлайды. Жаңа маршрут Астана мен Оралдан Франкфуртқа ұшатын рейстермен қатар жүзеге асады.  

Алматы–Франкфурт ұшулары 2025 жылдың 1 маусымынан басталып, аптасына үш рет – сейсенбі, бейсенбі және жексенбі күндері заманауи және ыңғайлы A321LR ұшақтарымен орындалады.  

Ыңғайлы уақыт кестесі тікелей рейстерге де, транзитті жолаушыларға да ыңғайлы ойластырылған. Алматыдан 01:30-да ұшып, Франкфуртқа 06:55-те келіп қонады. Қайтар рейс 08:30-да ұшып, Алматыға 18:55-те келеді.  

Эконом-класс билеттерінің барып-келу минималды құны алымдарды қосқанда 288 мың теңгеден басталады. Билеттерді әуекомпанияның ресми сайтында, сату кеңсесінде, брондау және ақпарат орталығында, сондай-ақ аккредиттелген агенттіктерден сатып алуға болады.  

Air Astana Германияға тікелей рейстерді 2003 жылдан бері орындап келеді.