Балық құшақтап ұйықтап жатқан мысық бой көтеріп келе жатқан күріш өскіндерінің арасында бейнеленген таңғажайып өнер туындыларының біріне айналды. Сурет Солтүстік Чианграй провинциясында пайда болды, онда фермер Таньяпонг Джайхам және оның жұмысшылар тобы арт-сурет жасау және туристер мен мысықты ұнатушылардың назарын аудару үшін өрістің әр түрлі бөліктеріне өскіндер отырғызды.
«Біз күріш алқаптарындағы осы өнер туындысын тамашалауға ондаған мың адам келеді деп күтеміз», - дейді Таньяпонг.
Сурет салу процесінде көшеттерді суретшінің эскизіне сәйкес дәл орналастыру үшін GPS құрылғылары қолданылды. Өсімдік өскен сайын, күріштің түсі біртіндеп өзгеріп, керемет әсер туғызады. Алқап жанында көру мұнаралары салынып жатыр, сондықтан келушілер Тайландтың «Балық суда, ал күріш далада» деген мақалынан шабыттанған осы ерекше өнер туындысын тамашалай алады. Үндістаннан кейінгі әлемдегі екінші күріш экспорттаушы Тайланд биыл 8,5 миллион тонна астық жіберуге ниетті.
«Бұрын күріш негізінен тұтыну үшін өсірілді, - дейді фермер. - Бұл тәсіл бізге туризм мен ауыл шаруашылығын бір мезгілде дамытуға мүмкіндік береді». Келесі жолы туристер табиғаттың сұлулығы үшін ғана емес, жердегі таңғажайып суреттер үшін де саяхатқа шықпасына кім кепіл?!