23.07.2024
02:23:14
ru
kz

"Neos" әуекомпаниясының Астана-Милан бағыты бойынша алғашқы рейсі шілде айының басына жоспарланған

Қазақстан жаңалықтары
25.06.2024
14:26
"Neos" әуекомпаниясының Астана-Милан бағыты бойынша алғашқы рейсі шілде айының басына жоспарланған
Қазақстан Республикасы Сыртқы істер министрінің орынбасары Роман Василенко Италия Республикасының Қазақстан Республикасындағы Елшісі Марко Альбертимен кездесті, деп хабарлайды Travelpress.kz.

Тараптар екіжақты күн тәртібіндегі өзекті мәселелерді, инвестициялық жобалардың орындалу барысы, шарттық-құқықтық базаны кеңейту, сондай-ақ Қазақстан мен Италия арасындағы стратегиялық әріптестіктің 15 жылдығына жоспарланған жоғары деңгейдегі байланыстар мен мәдени-гуманитарлық шараларды талқылады.

Роман Василенко Қазақстан Республикасының Президенті Қасым-Жомарт Тоқаевтың 2024 жылғы қаңтардағы Италия Республикасына ресми сапары барысында қол жеткізілген уағдаластықтарды іске асырудың маңыздылығын, сондай-ақ байланыстар динамикасын жоғары деңгейде сақтау қажеттігін атап өтті.

Дипломаттар ү.ж. шілде айының басында жоспарланған «Neos» әуе компаниясының Астана-Милан бағыты бойынша алғашқы рейсі және жақын арада тұрақты рейстерді іске қосу Қазақстан-Италия қарым-қатынасының барлық спектріне елеулі серпін береді деп келісті.

Өз кезегінде М. Альберти Алматыдағы Италия Мәдени орталығының қызметі туралы хабардар етіп, екі ел арасындағы гуманитарлық байланысты нығайтуға бағытталған мәдени және имидждік жобаларды жүзеге асыру жоспарларымен бөлісті.

Сонымен қатар, сұхбаттасушылар білім және ғылым саласындағы байланыстарды дамытудың оң динамикасын, оның ішінде ағымдағы жылдың күзінде ауыл шаруашылығы саласындағы италиялық жетекші ЖОО бірімен қос дипломдық бағдарламаны іске қосу жоспарланып отырғанын қанағаттанарлықпен атап өтті.

Бұл ретте қазақстандық дипломат Еуроодақтың Қазақстан азаматтары үшін визалық режимін жеңілдету мәселесін көтерді. Осы мәселеде италиялық тарапына қолдау көрсеткені үшін алғысын білдіре отырып, Р. Василенко диалогты ілгерілету және осы саладағы нақты шараларға қол жеткізу ынтымақтастықтың барлық салаларында өзара тиімді іс-қимылды жандандыру үшін қолайлы жағдайлар жасауға көмектесетінін атап өтті.

Айта кетейік, Италия 2023 жылғы сыртқы сауда айналымының жалпы көлеміндегі үлесі 14,4% құрайтын Қазақстанның үшінші сауда әріптесі (Ресей мен Қытайдан кейін).

Қазақстандық статистикаға сәйкес, 2024 жылдың қаңтар-сәуір айларында екіжақты тауар айналымы 6,4 млрд АҚШ долларын құрады (экспорт – 6 млрд, импорт – 400 млн). 2023 жылдың қорытындысы бойынша – 16 млрд АҚШ доллары (экспорт – 14,8 млрд, импорт – 1,2 млрд). 2005 жылдан бері Италиядан Қазақстанға құйылған тікелей шетелдік инвестиция көлемі 7,6 миллиард доллардан асты.

Италиялық тараптың мәліметінше, 2024 жылдың алғашқы бес айында Қазақстан Республикасының азаматтарына 12 210 виза (оның 9 600-ден астамы туристік Шенген визасы) берген, бұл 2023 жылдың сәйкес кезеңімен салыстырғанда 47%-ға артық.
Есепке қою туралы № KZ200123 БАҚ куәлігі 10.12.2023 жылы берілді.