29 мамырдан бастап Шымкенттен Каирға тікелей ұшуға болады

Египетке жаңа бағыттың ашылады, деп хабарлайды Travelpress.kz.

ҚР Көлік министрлігі тұрақты негізде ұшу географиясын кеңейту және қолданыстағы маршруттар бойынша рейстер санын көбейту бойынша жұмыс жүргізуде. Ағымдағы жылдың 29 мамырынан бастап "SCAT" қазақстандық әуекомпаниясы Шымкент – Каир бағыты бойынша Египетке жаңа бағыт ашуды жоспарлап отыр. 

Рейстер аптасына 2 рет (дүйсенбі және сәрсенбі күндері) "Boeing 737-800" және «Boeing MAX 8» типті әуе кемелерінде орындалады.

Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтілуде.