фото ZakonKz
«Astana Tourism» Туризмді дамыту орталығы басқарма төрағасы Артем Квашук 27 ақпанда Астана қаласының Өңірлік коммуникациялар қызметінде өткен брифингте шетелдіктердің Астанаға қандай медициналық қызметтер алу үшін келетінін айтып берді, деп хабарлайды TravillPress, ZakonKZ сілтемесімен.
Артем Квашуктың айтуынша, 2025 жылдың 9 айында қалаға 1,2 млн адам келген. Бұл 2024 жылдың сәйкес кезеңімен салыстырғанда 9%-ға жоғары.
«Талдау көрсеткендей, туристердің 77%-ы Астанаға демалыс, іс-шаралар және шопинг мақсатында келеді. Қалған 23%-ы қалаға іскерлік және мәдени сапарлар аясында келеді», – деді ол. Оның сөзінше, негізгі туристік ағын Ресей, Қытай, Түркия, Германия және АҚШ елдерінен қамтамасыз етілген.
«Қала оқиғалық туризмді белсенді түрде дамытуда. Жеке бағыттардың бірі – медициналық туризм. Соңғы жылдары пациенттер ағыны төрт есеге өсті. Емдеу мен мәдени бағдарламаны біріктіретін кешенді турпакеттер іске қосылды. Медициналық туристердің негізгі легін, әрине, ТМД елдері – Ресей, Өзбекстан және Қырғызстан, сондай-ақ Түркия, Үндістан және Қытай құрайды. Танымал қызметтерге келсек, бұл, ең алдымен, нейро- және кардиохирургия. Сонымен қатар репродуктивті медицина, оның ішінде ЭКО, офтальмология, пластикалық хирургия және кешенді профилактикалық тексеру пакеттері сұранысқа ие», – деп атап өтті спикер.
2025 жылғы 2 желтоқсанда хабарланғандай, 2024 жылы Астанаға 4500 медициналық турист келген. Бұл 2023 жылмен салыстырғанда екі есе көп. Шетелдік пациенттер үшін емдеудің орташа құны 2 мыңнан 5 мың АҚШ долларына дейінгі аралықты құрайды.