Фото: Air Astana
Air Astana Халықаралық балаларды қорғау күніне орай Алматы қаласындағы Ақсай балалар ауруханасының жас емделушілеріне арналған мерекелік іс-шара өткізді, деп Travelpress.kz Air Astana-ға сілтеме жасап хабарлайды.
Бұл күні балаларға Винни-Пух пен Кристофер Робин туралы ертегі негізінде дайындалған көшпелі театр қойылымы көрсетілді. Спектакльден кейін әрбір балаға авиакомпания атынан сыйлықтар табыс етілді.
Мерекелік іс-шараға Air Astana компаниясының ұшқыштары, жердегі қызмет көрсету бөлімінің мамандары және басқа да қызметкерлері келіп, балаларға құттықтауларын жеткізді. Қозғалысы шектеулі балаларға ерекше көңіл бөлінді – олардың бөлмелеріне сыйлықтар жеке жеткізіліп, ешбір бала назардан тыс қалмады.
Басқа жаңалықтар: "Алматы – Маскат" бағытындағы әуе рейстері қайта іске қосылды.