фото АБУ ДАБИ REUTERS
Бүгінгі таңда Біріккен Араб Әмірліктерінде 3 мыңнан астам ұйымдастырылған турист, ал Катарда 1 мыңнан астам турист бар. Бұл туралы дүйсенбі күні өткен брифингте «Туристік қамқор» қорының төрайымы Инна Рей хабарлады. Оның айтуынша, олар жолдамамен шыққандықтан, барлығына қонақүй мен тамақтану қамтамасыз етілген, деп хабарлайды TravillPress, vlastkz сілтемесімен.
«Біз БАӘ-дегі 3 мыңнан астам және Катардағы 1 мыңнан астам адам туралы айтып отырмыз. Оларға тұратын орын берілді, қонақүйлерге орналастырылды. Барлығы тыныш. Оларды осы жерде қалып, көмек пен қолдау іздеп жүрген жолаушылардың негізгі бөлігімен шатастырмауды сұраймыз. Біздің туристер кепілдендіру жүйесінің толық бақылауында және туроператорларымыздың қолдауында», – деді Рей.
Сонымен қатар, оның мәліметінше, шамамен 200 адам Мекке мен Медина қалаларында жүр.
Ол Сауд Арабиясының әуе кеңістігі әзірге ашық екенін, алайда «жағдайдың қалай өрбитіні белгісіз» екенін айтты. Жалпы, репатриациялық рейстер туралы әзірге сөз қозғау мүмкін емес.
«Біздің әуе компанияларымыз өз міндеттемелерін орындауға дайын, бірақ әуе кеңістігінің жағдайы өте қауіпті. Ұшуларды орындауға мүмкіндік бермей отыр», – деп атап өтті қор төрайымы.
Рей сондай-ақ туркоды бар барлық туристер қор есебінен тұру және тамақтанумен қамтамасыз етілгенін сендірді. Ал бұл елдерге өз бетінше ұшып барған Қазақстан азаматтарына не істеу керектігі туралы сұраққа ол «олар тек өз күштеріне сенеді» деп жауап берді.