«2023 жылғы 27 желтоқсандағы № 347 бұйрығымен шетелдіктер үшін туристік жарнаны төлеу қағидаларына өзгерістер енгізілді, оған сәйкес Қазақстанның бүкіл аумағында нөлдік мөлшерлеме қолданылатын болады», - деп хабарлады ҚР Туризм және спорт министрлігінің баспасөз қызметі.
Өзгерістер ағымдағы жылдың 9 қаңтарында қолданысқа енгізіледі.
2023 жылы шетелдіктерден жергілікті бюджетке 314 миллион теңгеге жуық туристік жарна түскен. Туристік жарна түсімі бойынша Алматы қаласы көш бастап тұр. Мегаполиске жалпы соманың 86%-ы немесе 270,6 млн теңге түскен.
Айта кету керек, бұған дейін елімізде 0,2-ден 0,5 АЕК-ке дейін (690-нан 1726 теңгеге дейін) белгіленген салық мөлшерлемелері болған.