Еуропа және Солтүстік Атлантика авиациялық қауіпсіздікті арттырмақ

Еуропа және Солтүстік Атлантика ENAVSECG/11 -  Арнайы авиациялық қауіпсіздік тобының кезекті он бірінші отырысы өтті, деп хабарлайды Travelpress.kz.
 
Бұл туралы ҚР Көлік министрлігінің Азаматтық авиация комитетінің баспасөз қызметі мәлім етті.
 
Париждегі (Франция) ИКАО Еуропалық/Солтүстік Атлантикалық бюросының (EUR/NAT) кеңсесінде ИКАО аймақтық бюросы ұйымдастырған Еуропа және Солтүстік Атлантика (ENAVSECG/11) арнайы авиациялық қауіпсіздік тобының кезекті он бірінші отырысы өтті.

Аймақтық бюро ИКАО ережелерін («Стандарттар мен ұсынылатын тәжірибені» қоса алғанда – SARPS) және аймақтың 56 мемлекетінде (ИКАО-ға мүше 193 мемлекеттің ішінен) жоспарлардың орындалуын алға тартады және бақылайды.

Отырысқа EUR/NAT аймақтық  бюросына мүше мемлекеттердің сарапшылары және халықаралық және өңірлік ұйымдардың (CARSA, EASA, ECAC, EEA, Eurocontrol, European Commission, IFALPA) өкілдері қатысты.

Қазақстан Республикасының делегациясын «Қазақстанның авиациялық әкімшілігі» АҚ Бас директорының авиациялық қауіпсіздігі жөніндегі орынбасары - осы жұмыс тобы төрағасының орынбасары болып табылатын Дархан Еспотанов басқарды.

Шараға сондай-ақ Авиациялық қауіпсіздік департаментінің авиациялық қауіпсіздікті оқыту басқармасының басшысы Рустем Қабанбаев және Авиациялық қауіпсіздік департаментінің аға авиациялық инспекторы Ардақ Беделбаевқатысты.

Отырыстың мақсаты авиациялық қауіпсіздікті арттыру жөніндегі әзірлемелер, жоспарлар мен ұсыныстар туралы ақпарат алмасу, сондай-ақ өңірлік бюроға мүше мемлекеттердің жұмыс құжаттары бойынша тиісті қорытындыларды айқындау және келісу үшін мемлекеттерді, халықаралық/өңірлік ұйымдарды және басқа да мүдделі тараптарды біріктіруі болды.

Биылғы кездесу үш негізгі бағытқа бағытталған: технологиялар мен әдістер, адами фактор және әлеуетті арттыру. Негізгі мақсат азаматтық авиацияны заңсыз араласу актілерінен (ҰҰА, киберқауіпсіздік, жасанды интеллект және т. б.) қорғау бойынша жаңа әзірлемелерді түсіну мен интеграциялауды жақсарту болды.

ИКАО авиациялық қауіпсіздік жөніндегі сарапшылар тобының, EUR/NAT өңірлік бюросының жұмыс қорытындылары, халықаралық/өңірлік ұйымдардың болашағына арналған жоспарлар мен міндеттер, сондай – ақ өңірлік бюроға мүше мемлекеттердің презентациялары мен жұмыс құжаттары туралы баяндамалар ұсынылды.

Отырыста Қазақстан Республикасы Қазақстандағы авиациялық қауіпсіздік мәселелері, атап айтқанда, елдің әуежайларында бірыңғай авиациялық қауіпсіздік қызметін енгізу және жобаны іске асырудағы ағымдағы ахуал бойынша өзінің жұмыс құжатын ұсынды. Баяндамада жобаны іске асыру еліміздің барлық әуежайларында авиациялық қауіпсіздік саласындағы бірыңғай талаптардың сақталуын, формальдылықты жеңілдету үшін жағдайлар жасауды, жауапты инвестициялауды, тексерудің заманауи техникалық құралдарымен қамтамасыз етуді, кадрлық әлеуетті дамытуды, авиациялық қауіпсіздік мәдениетінің тиімділігін, кәсіби өсудің қажетті жағдайларын жасауды және көрсетілетін қызметтердің сенімділігі мен сапасын арттыруды қамтамасыз етуге мүмкіндік беретіні атап өтілді.

Бұл бастаманы ENAVSECG/11 отырысына қатысушылар қолдады және ИКАО Еуропалық / Солтүстік Атлантикалық бюросы мақұлдады.

Қазақстан Республикасының Жұмыс құжатының қорытындысы бойынша EUR / Nat өңірлік директоры өңірлік бюроға мүше мемлекеттерге жүргізіліп жатқан жұмыста Қазақстанға жан-жақты консультативтік және практикалық көмек көрсетуді ұсынды.

Жоғарыда айтылғандармен қатар, қазақстандық делегация Азаматтық авиацияның Еуропалық конференциясымен (ЕКГА) ынтымақтастық шеңберінде ЕКГА case II жобасының кеңсесіне жұмыс сапарын жүзеге асырды.

Сапар барысында өткен 2023 жылғы ынтымақтастық қорытындылары шығарылып, ағымдағы 2024 жылға арналған авиациялық қауіпсіздік бойынша дайындық саласындағы өзара іс-қимыл жоспарлары талқыланды.