Алматы облысында ТЖМ құтқарушылары тауда адасып қалғандарға көмекке келді, деп хабарлайды Travelpress.kz.
Алматы облысы Қарасай ауданында, «Поляна Терра» ауданында теңіз деңгейінен 2650 метр биіктікте, 2008 жылы туған төрт адамнан тұратын топ таудан түсу кезінде бағытын жоғалтып, адасып кеткен.
Оқиға туралы дабыл алғаннан кейін оқиға орнына дереу ҚР ТЖМ «Барыс» республикалық құтқару қызметі мен Алматы қаласы ТЖД құтқару қызметінің құтқарушылары шықты.
Зардап шеккендермен байланыс сақталды, олардың орналасқан жері шамамен Берёзовая роща ауданында анықталды.
Жедел іздестіру-құтқару жұмыстарының нәтижесінде туристер қысқа мерзімде табылды.
Құтқарушылар зардап шеккендерді қауіпсіз аймаққа шығарып, қалаға жеткізді. Олар медициналық көмекке мұқтаж болған жоқ.