Шымкент – Сеул жаңа әуе бағыты ашылды

Шымкент – Сеул жаңа әуе бағыты ашылады, деп хабарлайды Travelpress.kz.

Қазақстан Республикасының Көлік министрлігі рейстер географиясын кеңейту және қолданыстағы бағыттар бойынша рейстер санын арттыру бойынша тұрақты жұмыс жүргізуде. Биылғы 29 мамырынан бастап қазақстандық SCAT әуе компаниясы Шымкент – Сеул бағыты бойынша Кореяға жаңа бағыт ашуды жоспарлап отыр. 

Ұшулар аптасына екі рет (сейсенбі және жұма күндері) орындалады. Қазақстан мен Корея арасындағы рейстердің жалпы саны аптасына 8-ден 10-ға дейін артады. Әуе қатынасының ашылуы екі ел арасындағы сауда-экономикалық, іскерлік және туристік ынтымақтастықты одан әрі дамытуға ықпал етеді деп күтілуде.