Air Astana Астанадағы өз инженерлік-техникалық орталығында Airbus A321 ұшағын мерейтойлық 50-C-check тексерістен сәтті өткізді, деп хабарлайды Travelpress.kz.
Бұл - инженерлік базаны жылдар бойы жүйелі жетілдіріп, білікті мамандар дайындап, Air Astana компаниялар тобы ішінде өндірістік мүмкіндіктерді кеңейткеннің арқасында қол жеткізіп отырған, әуекомпания үшін маңызды кезең.
2019 жылдан бері Air Astana Airbus әуе кемелері тобына жататын ұшақтарға арналған C-check тексерістің барлық түрін Алматы мен Астанадағы өз техникалық базаларында өз бетімен орындап келеді. Осы уақыт ішінде халықаралық EASA Part 66 лицензиясы бар, сертификатталған инженерлер мен механиктерден құралған кәсіби команда қалыптасты. Бұл азаматтық авиациядағы әлемдік үздік тәжірибелерге толық сай келеді.