Тоқаев V Дүниежүзілік көшпенділер ойындарының дайындық барысымен танысты

Мемлекет басшысы V Дүниежүзілік көшпенділер ойындарының дайындық барысымен танысты, деп хабарлайды Travelpress.kz.

Президент Қасым-Жомарт Тоқаев 8-13 қыркүйек аралығында өтетін V Дүниежүзілік көшпенділер ойындарының дайындық барысымен танысты.

Мемлекет басшысы, ең алдымен, «Астана арена» стадионын аралап көрді. Мұнда халықаралық спорттық-мәдени іс-шараның ашылу салтанаты өтеді. Отыз мың көрермен еркін сыятын стадионға жыл бойы күрделі жөндеу жүргізілді. Қазіргі кезде абаттандыру жұмыстары аяқталып, жабдықтары толықтай жаңартылды.